Արդեն 2-րդ շաբաթն է ինձ անչափ հարազատ դարձած Արևելյան դպրոց-պարտեզի ճամբարականների հետ վայելում ենք լողափնյա ջերմ ու տաք ամառը: Օր օրի ավելի ենք մտերմանում, ընկերանում, ճամբարականների հետ որոշում ենք անելիքները՝ լողում ենք, մարզվում, խաղում , այցելություններ ունենում՝ Ագարակ , ջերմոց-լաբորոտորիա: Ճամբարականները մեծ ոգևորությամբ են մասնակցում հետաքրքիր խաղերին, այդ թվում մաթեմատիկակական:

Այս շաբաթը ևս հագեցած էր, ջերմ, գնալով փոխում ենք մաշկի գույնը և միմյանց ավելի շատ սիրում: Շաբաթն անցավ ակնթարթի նման արագ, այսօր արդեն հրաժեշտ էինք տալիս մեկմեկու նորից հանդիպելու սպասումով:

Ճամբարականները այսօր մեծ ոգևորությամբ էին եկել ճամբար՝ Ագարակ պետք է գնայինք։

Իրենց հետ բերել էին գազար, խնձոր կենդանիներին կերակրելու համար։

Նախ սկսենք մարմնամարզությունից։ Պատասխանատուները այսօր Արարատ Զարգարյանը և Լիլիթ Ալեքսանյանն էին։

Ճամբարի հերթական օրը սկսեցի ճամբարականներին դիմավորելով ու ջերմաչափմամբ։

Այսօրվա մարմնամարզության պատասխանատուները Միլա Խաչատրյանը և Արարատ Զարգարյանն էին։

Մեզ այցելեց կամավորական աշխատանք իրականացնող Լալա Հասասյանը ,ով օտար լեզուների մասնագետ է։ Բավական հետաքրքիր խաղեր կազմակերպեցինք ճամբարականների հետ,ովքեր ակտիվ մասնակցություն ունեցան։ Ավելին տեսանյութերում։

Իրականացման վայր՝ «Մխիթար Սեբաստացի» կրթահամալիր՝ Ուսումնական Ագարակ

Տևողությունը՝ հուլիս-օգոստոս

Օր՝ 27 օգոստոս

Ժամը՝ 11։30
Մասնակիցներ՝ Արևելյան դպրոց-պարտեզի տարատարիք ճամբարականներ

Նպատակ՝

• Ճամբարականների մոտ կենդանիների հանդեպ սեր և հոգատարություն ձևավորել
• սեբաստացիական միջավայրի ճանաչում-ուսումնասիրություն

Խնդիրներ

• կենդանու ճանաչում
• կենդանիների հետ տարվող խնամք
• Կենդանիների կերակրում
• Շրջայց ուսումնական Ագարակում
• Ճաշի ընդմիջում ճամբարականների հետ տաղավարում

Արդյունքը՝ ֆոտոպատումներ, բլոգում ամփոփում:

Ճամբարականների հետ օրը շատ հանգիստ ու թեթև անցավ։Լիլիթ Ալեքսանյանը գլխավորեց մարմնամարզության հատվածը, տանը մի քանի նոր վարժություններ սովորած լինելով։

Այսօր չնայած ճամբարականների մեծ թվին, օրը բավական հանգիստ անցավ ու ուրախ։

Մարմնամարզության պատասխանատուները այսօր Ժասմին Պետրոսյանը և Միլա Խաչատրյանն էին։

Հանգստյան օրերը վայելած և թարմացած ճամբարականները եկան կրկին զվարճանալու և վայելելու իրենց լողափնյա ճամբարային օրը:

Մարմնամարզության պատասխանատուն այսօր Եվա Ղավալյանն էր:

Ճամբարականները այսօր մասնակցություն ունեցան «Սեյրան Ավագյանի» ծննդյան նախագիծին: Տեսանյութը ստորև.

Հուլիսի -27 երկուշաբթի

9․00-9․15— Ճամբարականների դիմավորում

9։15-9։30— Ճամբարականների ընդհանուր պարապմունք

09:30-10.00 — Միջավայրի խնամք, ծաղիկների խնամք
10.00-12.00 — «Սեյրան Ավագյան» ծննդյան նախագիծ, Մարինե Ոսկանյան
12.00-12:20— նախաճաշ
12։30-13.00 — Բացօթյա ընթերցանություն
13.00-14։00 — Շախմատ և նկարչական պլեներ ամառային բացօթյա լողափում
14.00-14․30 — Ճաշ
14․30-15:30 — Լողափնյա խաղեր
15.30-16.00 — Հանգիստ, օրվա ամփոփում, ճամբարականների ճանապարհում

Ամառային ճամբարի որպես ղեկավար պատասխանատվությունը, առաջին անգամ էի ստանձնում, որը և՛ պարտավորեցնող, և՛ հետաքրքիր էր: Բավական հագեցած շաբաթ ունեցանք: Ճամբարականները օր օրի ավելանում էին, հետաքրքրվում էին հաջորդ օրվա օրակարգով, ոգևորվում այն դեպքում, երբ պետք է շրջեինք կրթահամալիրի տարածքում: Ճամբարականների ամենօրյա թվային աճը հետաքրքիր հանգստությամբ ընդունեցի և պատասխանատվությամբ սկսեցի աշխատել ավելի մեծ խմբի հետ: Պսպղուն աչքերով, լողալ սիրող մասնակիցների թիվը ավելացավ հատկապես հինգշաբթի օրը, հասնելով 19-ի: Չնայած ճամբարականների մեծ թվի, օրը շատ հանդարտ անցավ, Նունե Խաչիկօղլյանի ուղեկցությամբ այցելեցինք նաև ուսումնական Ագարակ: Հետաքրքիր էր հատկապես այն ճամբարականների արձագանքը, ովքեր սեբաստացի չէին ու առաջին անգամ էին այցելում Ագարակ:

Ներկայացնում եմ շաբաթվա ամփոփումը ըստ օրերի.

Օրը սկսեցինք լողափի բացմամբ։Ճամբարականներին դիմավորելուց հետո ջերմաչափեցի և գնացինք մարմնամարզության։

Ճամբարականները սկսեցին շախմատ խաղալ, նկարել։