Օր երկրորդ՝ 15.07.2020

Օրը անցկացրեցինք Արևմտյան դպրոց-պարտեզում: Շրջեցինք ուսումնական Ագարակում, տեսանք կենդանիներին և թռչուններին:

Ինքնակենսագրություն

1997 թվականի հունիսի 4֊ին ծնվել եմ ես, հեռու հեռավոր Ծովասար գյուղում։ Փոքր ժամանակ աշխույժ ու չարաճճի եմ եղել, տան փոքր երեխան էի ու բոլորի սիրելին։

Պետք է նշեմ, որ ոչ մի համալսարան չկարողացավ ինձ տալ իսկական մանկավարժության բանալին, սովորել եմ և՛ ԵՊՀ-ում, և՛ ՀՊՄՀ-ում, ու մանկավարժությունից Աղայանական մանկավարժության մասին անգամ չեմ էլ լսել: Աղայանական մանկավարժությանը սկսել եմ ծանոթանալ կրթահամալիրում: Այն բացահայտում էր ինձ համար:

Մեծ է դաստիարակի գործը, և սրբազան է նորա պաշտոնը, վասն զի ով որ բանական արարածին ձեռք է առնում, նորան կատարելագործելու մտոք, նախ և առաջ հարկավոր է իմանալ, թե «ի՞նչ է նա, ինչպիսի՞ ինչ է, և ինչո՞ւ համար է»:

Օր առաջին՝ 14.07.2020

Օրը սկսեցինք Սուրբ Երրորդություն եկեղեցու բակից: Ընկեր Տաթևի հետ քայլեցինք դեպի Հյուսիսային դպրոց, այստեղ մեզ դիմավորեց դպրոցի ղեկավար Քնարիկ Ներսիսյանը, շրջեցինք դպրոցում, եղանք Artասահմանում:

Քայլքը շարունակեցինք Սարալանջ-Սասնալանջով, ևս մեկ անգամ հիանալով տեղի գեղեցիկ և խնամված տեսքով և արդեն տեղադրված քանդակներով:

Օր հինգերորդ՝ 13.07.2020

Ճամբարականների հետ ընթերցեցինք «Սասնա ծռեր» էպոսից հատվածներ, քննարկեցինք: Ճամբարականները իրենց ընտրությամբ նկարեցին հերոսներին, ոմանք՝ շրջակա միջավայրը:

Օր չորրորդ՝ 10.07.2020

Այսօր ճամբարականների հետ գնացինք ուսումնական Ագարակ: Շրջեցինք Ագարակում, տեսանք կենդանիներին և թռչուններին: Եղանք թոնրատանը և վերջում կարողացանք ձիավարել:

Օրը շատ հագեցած էր և հետաքրքիր բոլորի համար: Մեզ ուղեկցում էր ընկեր Նունեն:

Լուսանկարները ըստ ընկեր Նունեի:

Օր երրորդ՝ 09.07.2020

Այսօր ճամբարականների հետ այցելեցինք քոլեջի ջերմոց-լաբորատորիա: Տիկին Շողիկը սիրով ցույց տվեց ջերմոցը, ծանոթացրեց բույսերին ու այնտեղ բնակվող մի քանի կենդանիների: Ճամբարականները մեծ ոգևորությամբ ու սիրով էին լսում, խաղացինք նաև տիկին Շողիկի կողմից առաջարկված խաղը, խմբերի բաժանվեցինք և փորձեցինք գուշակել բույսերի անուններ:

Լուսանկարները ստորև:

Օր երկրորդ՝ 08.07.2020

Ամառային ճամբարում պահպանվում է հակահամաճարակային բոլոր միջոցառումները՝ ճամբարականները ջերմաչափվում են, ձեռքերը լվանում շուտ-շուտ և այլն:

Առավոտյան մաքրությունից, նախավարժանքից ու նախաճաշից հետո ճամբարականները լողում են, զովանում:

Լուսանկարները ստորև:

Օր առաջին՝ 07.07.2020

Արևելյան դպրոց-պարտեզում կամավորական աշխատանք եմ իրականացնում ճամբարականների հետ: Օգնում եմ ճամբարի ղեկավար Արմինե Մանուկյանին նախագծի իրականացման և այլ հարցերում:

Շատ հագեցած է անցնում ճամբարականների օրը: Կարդացինք «Սասնա ծռեր» էպոսից հատված, նկարեցինք էպոսի հերոսներին:

Լուսանկարները ստորև:

Կրթահամալիրում իրականացվող քանդակագործության-ճարտարապետության ամենամյա փառատոնի շրջանակում, տեղի ունեցավ «Թուր Կեծակի» քանդակի հանդիսավոր բացումը՝ Սարալանջ-Սասնալանջում։ Սարալանջում էպոսային մթնոլորտ էր՝ հերոսներով լեցուն:

Տեսանյութերը ստորև.