10-րդ դասարանի սովորողների հետ իրականացնում ենք Մարդը կլիմայի փոփոխության պատճառ նախագիծը:

Էկոհարթակ. Կլիմայի փոփոխություն ֆիլմում խոսվում էր երկրի գլոբալ տաքացման և կլիմային փոփոխության հետևանքների մասին: Ֆիլմում նշվեց որ ՄԱԿ-ի կլիմայի փոփոխության շրջանակային կոնվենցիայով փորձ է արվել զարգացած երկրներում կրճատել ջերմոցային գազերի արտանետումները, փոխարենը խրախուսվում են վերականգնվող էներգիայի աղբյուրները, որոնք են քամու և արևային էներգիան։ Գրում է Գոհար Մավյանը:

11-րդ դասարանի սովորողները իրականացնում են Օզոնային շերտի քայքայումը որպես գլոբալ հիմնախնդիր նախագիծը:

 Օզոնային շերտի քայքայում ֆիլմի դիտում և վերլուծություն է արել Ինեսսա Փանոսյանը:

Օզոնային շերտի քայքայումը ժամանակակից բնապահպանական հիմնախնդիրներից է։ Եթե օզոնային շերտի քայքայման գործընթացը չդադարի, ապա դրա հետևանքները մարդկային հասարակության համար աղետալի կլինեն։ Օզոնային շերտի քայքայումը նմանակող լաբորատոր փորձերը ցույց են տվել, որ ուլտրամանուշակագույն ճառագայթման ավելացումը արգելակում է կարևորագույն գյուղատնտեսական այնպիսի մշակաբույսերի աճը, ինչպիսիք են, օրինակ՝ լոբազգիները։ Գրում է Ինեսսա Փանոսյանը, ավելի մանրամասն Ինեսսայի բլոգում:

10-րդ դասարանի սովորողների հետ իրականացնում ենք Մարդը կլիմայի փոփոխության պատճառ նախագիծը: Այս շաբաթ սովորողները վերլուծում են կլիմայագոյացնող մարդածին և բնական գործոնները, ներկայացնում, որ գործոնի ազդեցությունն է առավել մեծ կլիմայի փոփոխության վրա:

Կլիմայական մոդելների համաձայն` գլոբալ միջին ջերմաստիճանը մինչև 2100թ-ը մոտավորապես կաճի 1.4 – 5.8° C-ով: Սա վտանգավոր է, քանի որ մթնոլորտի՝ անգամ 2 աստիճան տաքացումն արդեն կարող է աղետաբեր լինել մոլորակի համար. սառցադաշտերի հալոցքը կարագանա, կտրուկ կբարձրանա ծովի մակարդակը, կվնասվի բուսական և կենդանական աշխարհը: Կլիմայի փոփոխությունը կհանգեցնի նաև նոր հիվանդությունների առաջացմանը կամ սրմանը: Գրում է Համիկ Թադևոսյանը:

Այն ժամանակ, երբ Երկրի բնակչությունը համեմատաբար
փոքրաքանակ էր, և մարդու էներգետիկ զինվածությունը համեմատաբար
թույլ էր, թվում էր, թե բնության վրա մարդածին ազդեցությունը չի կարող
ազդել կլիմայի կայունության վրա: Սակայն, XX դարի կեսերից, մարդու
գործունեությունը գնալով ձեռք էր բերում այնպիսի մասշտաբներ, որ
ծառացավ մարդու տնտեսական գործունեության կլիմայի վրա ունեցած
ազդեցության խնդիրը: Գրում է Ինեսա Գափոյանը:

Մասնակիցներ՝ 9-րդ դասարանի սովորողներ

Իրականացվող ուսումնական նախագիծ՝

ՀՀ բնակչությունը

Առաջադրանք՝

Վերլուծել «բնական շարժ» և «մեխանիկական շարժ» հասկացությունները: Հրապարակել բլոգում:

• Պետության տարածքը 50000 կմ քառ. է,բնակչության թիվը 4 մլն: Որոշել բնակչության միջին խտությունը:
• Երկրի բնակչության թիվը 9 մլն է, բնակչության միջին խտությունը 150 մարդ/կմ քառ:Որքան է երկրի տարածքի մակերեսը:

Տեսադաս Teams հարթակում, օրը՝ 14.05, ժամը 15:30:

Մասնակիցներ՝ 10-րդ դասարանի սովորողներ

Իրականացվող ուսումնական նախագիծ՝

Մարդը կլիմայի փոփոխության պատճառ

Առաջադրանք՝

Վերլուծել կլիմայագոյացնող մարդածին և բնական գործոնները, ներկայացնել, որ գործոնի ազդեցությունն է առավել մեծ կլիմայի փոփոխության վրա:Հրապարակում են բլոգում:

Տեսադաս Teams հարթակում, օրը՝ 13.05, ժամը՝ 15:00: Պատրաստվել քննարկման կլիմայագոյացնող մարդածին և բնական գործոնների վերաբերյալ:

Մասնակիցներ՝ 11-րդ դասարանի սովորողներ

Իրականացվող ուսումնական նախագիծ ՝

Օզոնային շերտի քայքայումը որպես գլոբալ հիմնախնդիր

Առաջադրանք՝

Ներկայացնել օզոնային շերտի բացակայության հետևանքով առաջացող խնդիրները, կցել նաև ֆիլմ, որը դիպուկ կներկայացնի դրանք:

Հարգելի 11-րդ դասարանի սովորողներ ակնկալում եմ ձեր ակտիվ մասնակցությունը, հեռավար ուսուցման ընթացքում ընդամենը մի քանի սովորողներ են ակտիվ աշխատում:

Սովորողների գնահատման չափանիշներ ըստ՝

• Բլոգային աշխատանքի կատարման,
• Տեսազանգերի ընթացքում դասի վերլուծության, պատրաստվածության:

Պատրաստված ամբողջական նյութը մեկ ֆայլով տեղադրել բլոգում, և ուղարկել g.hakobyan@mskh.am էլեկտրոնային հասցեին։

Մասնակիցներ՝ 9-րդ դասարանի սովորողներ

Նպատակը՝

Ուսումնասիրել ՀՀ բնակչությունը, վերլուծել բնական շարժի փոփոխությունները, արտագաղթի պատճառներն ու ուղղությունները նախկինում և ներկայումս:

Ընթացքը (Ժամանակահատվածը 2 շաբաթ)

Բովանդակություն՝

1. Ուսումնասիրել ՀՀ բնակչության բնական շարժը,
2. Ներկայացնել ծնելիության և մահացության գործակիցները,
3. Ուսումնասիրել ՀՀ բնակչության մեխանիկական շարժը,
4. Ներկայացնել ներգաղթի դերը ՀՀ բնակչության թվաքանակի աճի մեջ,
5. Վերլուծել ՀՀ բնակչության արտագաղթի պատճառներն ու ուղղությունները նախկինում և ներկայումս,
6. Ներկայացնել ՀՀ բնակչության ազգային կազմը,
7. Բացատրել «աշխատանքային ռեսուրսներ» հասկացությունը,
8. Նշել ՀՀ քաղաքների տիպերը ըստ մարդաշատության,
9. Բնութագրել ՀՀ քաղաքային տարաբնակեցումը,
10. Բնութագրել ՀՀ գյուղական տարաբնակեցումը,
11. Լուծել խնդիրները.

• Պետության տարածքը 50000 կմ քառ. է,բնակչության թիվը 4 մլն: Որոշել բնակչության միջին խտությունը:
• Երկրի բնակչության թիվը 9 մլն է, բնակչության միջին խտությունը 150 մարդ/կմ քառ:Որքան է երկրի տարածքի մակերեսը:
• Երկրի բնակչության թիվը 40 մլն է, քաղաքաբնակների բացարձակ թիվը՝ 16 մլն,տարածքի մակերեսը՝ 200 հազ. կմ քառ.:Որոշել ուրբանիզացման մակարդակը և բնակչության միջին խտությունը:
• Երկրի բնակչության թիվը 40 մլն է, գյուղաբնակների թիվը՝ 16 մլն, տարածքի մակերեսը՝ 200 հազ. կմ քառ.:Որոշել ուրբանիզացման մակարդակը և բնակչության միջին խտությունը:
• Որքա՞ն է երկրի բնակչության բացարձակ բնական աճը, եթե բնակչության թիվը 2,5 մլն է, բնական աճի գործակիցը 10 պրոմիլ:
• Երկիր ժամանողների թիվը տարվա ընթացքում կազմել 5200 մարդ, մեկնողներինը՝ 2565 մարդ: Որքա՞ն է միգրացիայի մնացորդը:
• Քաղաքի բնակչությանը 40000 է, բնակչության բացարձակ բնական աճը՝ 800 մարդ: Եկածների թիվը 3000 մարդ է, մեկնածների թիվը՝ 1500 մարդ: Որոշել միգրացիայի մնացորդը և քաղաքի բնակչության թիվը մեկ տարի անց:
• Երկրի բնակչության թիվը 1,5 մլն է:Մեկ տարվա ընթացքում ծնվածների թիվը 25000 մարդ, մահացածների թիվը՝ 10000 մարդ: Որոշել բնակչության բացարձակ բնական աճը և բնական աճի գործակիցը (պրոմիլ):

Արդյունքը՝

1.Սովորողները լուծում են վերը նշված խնդիրները և տեղադրում իրենց բլոգներում:

2. Սովորողները վերլուծում են «բնական շարժ» և «մեխանիկական շարժ» հասկացությունները:

3.Սովորողները վերլուծում են ՀՀ բնակչության արտագաղթի պատճառներն ու ուղղությունները նախկինում և ներկայումս: Հրապարակում են բլոգում:

4.Սովորողները վերլուծում են գյուղական և քաղաքային տարաբնակեցումները: Հրապարակում են բլոգում:

Հարցերի դեպքում գրել g.hakobyan@mskh.am Էլ.հասցեին:

Ուսումնական նյութեր՝

ՀՀ բնակչությունը,թվաքանակը, բնական և մեխանիկական շարժը

Բնակչության բնական աճ, ծնելիություն, մահացություն

Բնակչության սեռատարիքային կազմ: Աշխատանքային ռեսուրսներ

ՀՀ բնակչության տեղաբաշխումը

Սովորողների հետ ամբողջ շաբաթվա ընթացքում աշխատել ենք հետևյալ կերպ.

• Կապված առաջադրանքների պատասխանների հետ, կապ առանձին սովորողների հետ՝ էլ. փոստով,
• Օրվա առաջադրանքի բլոգի հղումը սովորողը ուղարկում է ինձ,
• Սովորողների առցանց առաջադրանքների կատարման գրանցում:

Նշեմ, որ սովորողների մի խումբ պարտաճանաչ և սիրով շարունակում են կատարել իրենց աշխատանքները, և մշտական կապը նամակագրությամբ պահպանվում է:

Այս շաբաթ իրականացված ուսումնական նախագծերն էին՝

9-րդ դասարան՝ Լճերը, ջրամբարները

10-րդ դասարան՝ Մարդը կլիմայի փոփոխության պատճառ

11-րդ դասարան՝ ՀՀ ջրային ռեսուրսներ, Օզոնային շերտի քայքայումը որպես գլոբալ հիմնախնդիր

Ամբողջ շաբաթվա համար նախատեսված նախագծային առաջադրանքներին ծանոթանալու համար սեղմեք այստեղ:

Շարունակել կարդալ →

ՀՀ մշտական ՀՀ բնակչության միջին խտությունը 110 է (2010)։ Խտությունն առավել ըստ մարզերի և Երևանի մեծ է Արարատյան դաշտում, որը ՀՀ տարածքի մոտ 26,7 %-ն է, և որտեղ ապրում է ընղհանուր բնակչության ավելի քան 50 %-ը։ Առավել նոսր են բնակեցված ՀՀ լեռնային և սահմանամերձ որոշ բնակավայրեր։ Համեմատաբար խիտ են բնակեցված Արմավիրի (229 մարղ/կմ2), Կոտայքի (134), Արարատի (133), Շիրակի (105), նոսր՝ Լոռու (74), Արագածոտնի (52), Տավուշի (50), Գեղարքունիքի (45), Սյունիքի (34), Վայոց ձորի (24 մարղ/կմ2) մարզերը։

Շարունակել կարդալ →

Բնակչության սեռատարիքային կազմ

Մինչև Հայրենական մեծ պատերազմը (1941-1945) ՀԽՍՀ բնակչության կազմում գերակշռել են տղամարդիկ, հատկապես՝ տարիքային ցածր խմբերում։ Պատերազմի հետևանքով խախտվել է սեռերի հարաբերակցությունը։ 1959 թվականին կանայք կազմել են բնակչության 52,2 %-ը, 1970 թվականին՝ բնակչության բաշխումը՝ 51,2 %-ը, 1979 թվականին՝ 51,3 %-ը, 1989 թվականին՝ 51 %-ը, 2001 թվականին՝ 52 %-ը, 2010 թվականին՝ 51,5 %-ը։ 2010 թվականին բնակչության միջին տարիքը եղել է 34,8 (տղամարդկանցը՝ 33,1, կանանցը՝ 36,4), 0-15 տարեկան երեխաների տեսակարար կշիռը՝ 19,8 % (1990 թվականին՝ 32,2 %), աշխատունակ տարիքի բնակչության տեսակարար կշիռը՝68,7 % (1990 թվականին՝ 59,7 %), աշխատունակ տարիքից բարձր բնակչության տեսակարար կշիռը՝ 11,5 % (1990 թվականին՝ 8,1 %)։ Աշխատանքային տարիքի ամեն 1000 մարդու հաշվով հաշվառվել են մինչև 15 տարեկան 456 երեխա և կենսաթոշակառու (2010)։ ՀՀ ժողովրդագրական իրավիճակի ընդհա նուր պատկերում նկատվում է բնակչու ժողովրդագրական ծերացման խորացում։ Ըստ ՄԱԿ-ի ժողովրդագրական ծերացման սանդղակի՝ եթե երկրի բնակչության կառուցվածքում 65 և բարձր տարիքի բնակչությունը 7 %-ից ավելի է, ապա տվյալ բնակչությունը համարվում է ծերա ցած։ ՀՀ-ում այդ ցուցանիշը 2010 թվականին 11,5% էր, որը չի կարող չանհանգստացնել։

Շարունակել կարդալ →

Բնակչությունը որոշակի տարածքում մշտական բնակություն հաստատած մարդկանց ամբողջությունը։ Կարելի է տարանջատել գյուղի, քաղաքի, մարզի, երկրի, տարածաշրջանի, աշխարհամասի, մայրցամաքի և նույնիսկ Երկիր մոլորակի բնակչությունը։ Երկիր մոլորակի բնակչությունն անընդհատ աճում է ի շնորհիվ մարդկանց բազմացման։

Շարունակել կարդալ →

Հայերը պատկանում են եվրոպեոիդ մեծ ռասսայի հարավային ճյուղի
արմենոիդ (առաջավորասիական) մարդաբանական տիպին և որպես էթնիկ
խումբ ձևավորվել են Հայկական լեռնաշխարհում: Հազարամյակներ ի վեր
նրանք եղել են տարածաշրջանի հիմնական բնակիչները:

Հայերը պատկանում են այն ազգերի թվին, որոնք սփռված են աշխարհով
մեկ: Հայաստանի Հանրապետթյան սահմաններից դուրս աշխարհի 7 տասնյակից ավելի երկրներում, ապրում են թվով երկու անգամ ավելի հայեր, քան բուն ՀՀ-ում: Աշխարհում հայ բնակչության թվաքանակի մասին տվյալները մոտավոր են, քանի որ առանձին երկրներ պաշտոնական տեղեկթյուններ չեն հրապարակում սեփական բնակչության ազգային կազմի վերաբերյալ: Աշխարհում հայերի թիվը գնահատվում է մոտ 10 մլն մարդ, որից ավելի քան 7 մլն -ը ապրում է ՀՀ սահմաններից դուրս, առավելապես Ռուսաստանում (2 մլն-ից ավելի), ԱՄՆ -ում (1.2 մլն), Ֆրանսիայում (0.5 մլն), Վրաստանում (0.4 մլն): Հայաստանի Հանրապետթյան մշտական բնակչթույան թվաքանակը 2011թ. մարդահամարի տվյալներով կազմել է մոտ 3.0 մլն մարդ: Այդ թիվը մե՞ծ է, թե՞ փոքր: Ինչպես արդեն նշել ենք, մեր երկիրը բնակչության թվաքանակով փոքր պետություն է, աշխարհում զիջում է ավելի քան l30 պետությունների և համեմատելի է այնպիսի երկրների հետ, ինչպիսիք են Նորվեգիան, Ալբանիան, Ուրգվայը,Նոր Զելանդիան, Լիտվան, Մոնղոլիան: Ուշադիր դիտելով աշխարհի քարտեզը կնկատեք, որ այդ երկրները, ունենալով մոտավորապես հավասար բնակչության, խիստ տարբերվում են տարածքի մեծթյամբ: Տարածքների տարբեր մեծության պատճառով տարբեր է բնակչության խտությունը: Հայաստանի Հանրապետթյունը խտաբնակ երկրներից
է 102 մարդ/կմ2 (առանց Սևանա լճի մակերեսի 107 մարդ/կմ2): Այդ ցուցանիշով
ՀՀ -ն գերազանցում է իր անմիջական հարևաններին՝ Թուրքիային, Իրանին,
Վրաստանին (բացառությամբ Ադրբեջանի), որոնց զգալիորեն զիջում է բնակչության ընդհանուր թվաքանակով:
Բնակչության ընդհանուր թվաքանակից խտությունից բացի, ցանկացած
երկրի բնակչությունը բնութագրող կարևոր ցուցանիշ է թվաքանակի շարժընթացը:

Շարունակել կարդալ →

9-րդ դասարան՝

ՀՀ կլիման, առանձնահատկությունները

Շարունակել կարդալ →