Մասնակիցներ՝ 9-րդ դասարանի սովորողներ

Իրականացվող ուսումնական նախագիծ՝

ՀՀ բնակչությունը

Առաջադրանք՝

Վերլուծել գյուղական և քաղաքային տարաբնակեցումները: Հրապարակել բլոգում:

Շարունակել լուծել խնդիրները:

Տեսադաս Teams հարթակում, օրը՝ 21.05, ժամը 15:30:

Մասնակիցներ՝ 10-րդ դասարանի սովորողներ

Իրականացվող ուսումնական նախագիծ՝

Մարդը կլիմայի փոփոխության պատճառ

Առաջադրանք՝

Կլիմայի փոփոխություն, անձնական կարծիք, ֆիլմի դիտում, վերլուծություն: Վերլուծությունը հրապարակել բլոգում:

Գրել նաև ձեր սեփական կարծիքը կլիմայի փոփոխության վերաբերյալ: Փորձել ընտանիքի անդամներից ևս իմանալ իրենց անձնական կարծիքները, նախապես չտեղեկացնելով ձեր կարծիքների մասին, քանի որ դուք արդեն ուսումնասիրել եք և ճշգրիտ տեղեկատվության եք տիրապետում:

Տեսադաս Teams հարթակում, օրը՝ 20.05, ժամը՝ 15:00: Պատրաստվել քննարկման ֆիլմի և ձեր անձնական կարծիքների շուրջ:

Մասնակիցներ՝ 11-րդ դասարանի սովորողներ

Իրականացվող ուսումնական նախագիծ ՝

Տիեզերական աղբը որպես վտանգի աղբյուր

Առաջադրանք՝

Ուսումնասիրել տիեզերական աղբ հասկացությունը, ներկայացնել բնական և արհեստական տիեզերական աղբերը: Օգտվել օտարալեզու աղբյուրներից, կատարել թարգմանություններ: Հրապարակել բլոգում:

Սովորողների գնահատման չափանիշներ ըստ՝

• Բլոգային աշխատանքի կատարման,
• Տեսադասերի ընթացքում դասի վերլուծության, պատրաստվածության:

Պատրաստված ամբողջական նյութը մեկ ֆայլով տեղադրել բլոգում, և ուղարկել g.hakobyan@mskh.am էլեկտրոնային հասցեին։

Մասնակիցներ՝ 11-րդ դասարանի սովորողներ

Նպատակը՝

Բացահայտել և վերլուծել տիեզերական աղբի վտանգավորության աստիճանը երկրագնդի համար:

Ընթացքը (ժամանակահատվածը 3 շաբաթ)

Բովանդակություն՝

1.Ուսումնասիրել տիեզերական աղբ հասկացությունը,

2.Ներկայացնել այն բնական օբյեկտները, որոնք տիեզերական աղբ են հանդիսանում,

3.Ներկայացնել այն արհեստական օբյեկտները, որոնք տիեզերական աղբ են հանդիսանում,

4.Համեմատել բնական և արհեստական տիեզերական աղբերի վտանգավորությունը,

5.Բացահայել տիեզերական աղբի ազդեցությունը երկրագնդի վրա,

6. Դիտարկել արբանյակները որպես տիեզերական աղբ:Արբանյակների անհրաժեշտությունը մարդկության կյանքում և աղբի վտանգավորության աստիճանը,

7.Ներկայացնել արդյոք մարդկությունը կարող է քայլեր ձեռնարկել նվազեցնելու համար այն վտանգը, որը սպառնում է տիեզերական աղբի օրեց օր ավելացմամբ,

8.Նայել Առաջինը տիեզերում.Գագարին ֆիլմը, փորձել դիտարկել թռիչքի կարևորությունը մարդկության կյանքում և թռիչքի պատճառով ավելացված տիեզերական աղբը, որը ժամանակի ընթացքում ետ է վերադառնալու մոլորակ: Կատարել ինքնավերլուծություն:

Արդյունքը՝

1.Ուսումնասիրել տիեզերական աղբ հասկացությունը, ներկայացնել բնական և արհեստական տիեզերական աղբերը: Օգտվել օտարալեզու աղբյուրներից, կատարել թարգմանություններ:

2.Դիտարկել արբանյակները որպես տիեզերական աղբ:Արբանյակների անհրաժեշտությունը մարդկության կյանքում և աղբի վտանգավորության աստիճանը, ինչպես նաև ձեռնարկվող միջոցառումները, որոնք կնվազեցնեն վերջինս: Փորձել օգտվել օտարալեզու աղբյուրներից:

3.Նայել Առաջինը տիեզերում.Գագարին ֆիլմը, փորձել դիտարկել թռիչքի կարևորությունը մարդկության կյանքում և թռիչքի պատճառով ավելացված տիեզերական աղբը, որը ժամանակի ընթացքում ետ է վերադառնալու մոլորակ: Կատարել ինքնավերլուծություն:

Հարցերի դեպքում գրել g.hakobyan@mskh.am Էլ.հասցեին:

Ուսումնական նյութեր՝

Տիեզերական աղբ

Տիեզերական աղբի նկարագրություններ

Տիեզերական աղբի ոչնչացման և մաքրման մեթոդներ

Իրադարձություններ, որոնք ավելացրել են տիեզերքի աղտոտվածությունը

1968-ից մինչև 1985 թվականը ԱՄՆ-ն և ԽՍՀՄ-ը փորձեր էին իրականացնում ստեղծելու հակաարբանյակային զենք։ 1990 թվականին վերահսկվող տիեզերական աղբի 7%-ի չափ աղբ ստեղծվեց 12 այդպիսի փորձերի ընթացքում։

Շարունակել կարդալ →

Արդյունավետ գործնական մեթոդներ 600 կմ-ից ավելի բարձրության վրա տիեզերական աղբի ոչնչացման համար (որտեղ չի անդրադառնում այդ մաքրման արդյունավետությունը մթնոլորտի արգելափակման պատճառով) ներկայիս տեխնոլոգիաների զարգացման մակարդակում չկան:

Շարունակել կարդալ →

Ներկայում ցածր ուղեծրային մակարդակներում (մինչև 2000 կմ բարձրության վրա) գտնվում են, տարբեր գնահատումներով, 220 հազար (ըստ ՄԱԿ-ի տիեզերական տարածությունների հարցերով գրասենյակի՝ 300 հազար 2009 թվականի հոկտեմբերի դրությամբ) տեխնոգեն օբյեկտներ 5000 տոննա ընդհանուր քաշով:

Շարունակել կարդալ →

Տիեզերական աղբը հասկացություն է, որը ներառում է տիեզերքում գտնվող բոլոր արհեստական օբյեկտները և նրա մասերը, որոնք երբեք չեն կարող ծառայել ինչ-որ օգտակար նպատակի համար և վտանգ են ներկայացնում բոլոր գործող տիեզերական սարքավորումների, հատկապես տիեզերական կառավարվող նավերի համար: Որոշ դեպքերում այդ նավերը պարունակում են վտանգավոր (միջուկային, թունավոր) նյութեր, որոնք կարող են վտանգ հանդիսանալ նաև Երկրի համար, քանի որ այդ օբյեկտը կարող է դուրս գալ ուղեծրից և ոչ լրիվ այրվելով անցնել Երկրի մթնոլորտի պինդ շերտերը՝ մեծ վնաս հասցնելով բնակավայրերին, արդյունաբերական օբյեկտներին և այլն:

Շարունակել կարդալ →

Ավարտեցինք հեռավար ուսուցման մայիսյան ևս մեկ շաբաթ: Պետք է նշեմ, որ սովորողների մի մասը պարտաճանաչ և սիրով շարունակում են կատարել իրենց աշխատանքները, և մշտական կապը նամակագրությամբ պահպանվում է:

Ակտիվ սովորողները պարտաճանաչ մասնակցում են տեսադասերի և հետաքրքիր ինտերակտիվ դաս ենք անցկացնում:

Այս շաբաթ իրականացված ուսումնական նախագծերն էին՝

9-րդ դասարան՝ ՀՀ բնակչությունը

10-րդ դասարան՝ Մարդը կլիմայի փոփոխության պատճառ

11-րդ դասարան՝ Օզոնային շերտի քայքայումը որպես գլոբալ հիմնախնդիր

Ամբողջ շաբաթվա համար նախատեսված նախագծային առաջադրանքներին ծանոթանալու համար սեղմեք այստեղ:

Շարունակել կարդալ →