«Մոլորակի էկոլոգիան և աղտոտումը» նախագծի շրջանակում 10-րդ դասարանի սովորողների հետ դիտեցինք Աշխարհի «ամենահիասքանչ» աղբավայրերը ֆիլմը:

Քննարկեցինք աղբը և շրջակա կենդանական աշխարհը,դրա ունեցած հետևանքները, կատարեցինք վերլուծություններ:

Որպես արդյունք սովորողները առաջարկեցին մաշված անվադողերից, որոնք աղբավայրերում հսկայական ծավալ են զբաղեցնում, վերամշակման արդյունքում ստանալ տարբեր պարագաներ, օրինակ ռետինե պատյաններ, կամ օգտագործել այգիներում, որպես գեղեցիկ և յուրահատուկ ծաղկամաններ:

Հասարակության, պետության կառավարումն իրականացվում է երկու հատույթով՝ ճյուղային և տարածքային։
Ճուղային կառավարումը վերաբերում է հասարակական կյանքի ոլորտների (տնտեսական, քաղաքական, սոցիալական և հոգևոր-մշակութային) կառավարմանը։ Ոլորտներից յուրաքանչյուրն ունի իր ճյուղերն ու ենթաճյուղերը, որոնց կառավարման համար ստեղծվում են ճյուղային նախարարություններ, կոմիտեներ, գործակալություններ, վարչություններ, ծառայություններ և այլն։ՕրինակԲնապահպանության նախարարություն և դրա կազմում ջրային ռեսուրսների կառավարման գործակալություն, կրթության և գիտության նախարարություն և դրա կազմում հանրակրթության վարչություն:

Հայաստանի Հանրապետությունն աշխարհի շուրջ 200 անկախ, միջազգային ճանաչում ստացած պետություններից է։Տարածքի մեծությամբ (29743 կմ³) և բնակչության թվով (3 մլն մարդ) պատկանում է աշխարհի փոքր (որոնց թիվը 55 է), բայց ոչ փոքրագույն (գաճաճ) պետությունների խմբին։

Հայկական լեռնաշխարհն ընդարձակ երկիր է՝ շուրջ 400 հազար քառ. կմ տարածքով։ Նրա կենտրոնական մասն զբաղեցնում է Հայկական հրաբխային բարձրավանդակը: Տարածքը կտրտված է բազմաթիվ լեռնաշղթաներով, որոնց միջև ընկած են արգավանդ հարթավայրեր ու սարահարթեր։ Հայկական լեռնաշխարհի կենտրոնական շրջանները (Այրարատ, Վասպուրական, Տուրուբերան) ստացել են Միջնաշխարհ անունը։